Քոլեջում հունվար ամիսը բավականին հագեցած ամիս էր,քանի որ մասնակցեցինք ստուգատեսերի և ճամփորդություների։ Ստուգատեսերը չորսն էին՝ մարզական,դիջիթեքյան, բնագիտատեխնիկական և ազգագրական։ 

Մարզական ստուգատեսը քոլեջի մի շարք ուսանողների հետ անցկացրեցի Լեռնանիստում՝  ընկեր Մարիամի և  ընկեր Ռոբերտի ուղեկցությամբ։ Եղանակը ցուրտ էր,բայց շատ հետաքրքիր և անմոռանալի օր ունեցա։ Տպավորություններս շատ լավն էին։ Բնագիտատեխնիկական ստուգատեսի համար մեզ հանձնարարված էր կատարել գիտական, տեխնիկական գործունեություն,կամ ցուցադրել որևէ բնագիտական փորձ։ Ես պատրաստել էի սպիտակեցնող և սնուցող դիմակներ։ Դիջիթեքյան դասընթացներից ես ընտրել էի SMM-ի դասընթացները։ Առողջական խնդիրների պատճառով չկարողացա մասնակցել բոլոր սեմինարներին։Եվ բացը լրացնելու համար համացանցից որոշ նյութեր ուսումնասիրեցի։Նաև այս ամիս ուսումնասիրեցինք Մշո բարբառը,կատարեցինք փոխադրումներ և կազմեցինք բարառաններ: Այսօր՝ հունվարի 28-ին, տեղի ունեցավ միջոցառում և ղափամայի ծեսը։Առավոտյան եկեղեցում մասնակցեցինք ժամերգությանը,իսկ հետո նաև միջոցառմանը։Միջոցառումը ուղեկցվեց ազգագրական պարերով ու երգերով,իսկ տղաները նաև յարխուշտա պարեցին։

SMM-ը՝ սոցիալական ցանցերի մարքեթինգը, այսօր լավագույն մասնագիտություններից մեկն է, որովհետև ժամանակի ընթացքում մարդիկ ավելի ու ավելի են հասկանում սոց․ մեդիաների դերն ու կարևորությունը բիզնես աշխարհում։

Եթե կա բիզնես, ուրեմն այն պետք է պատշաճ կերպով ներկայացված լինի սոց․ ցանցերում, որոնք տալիս են մեծ հնարավորություն ցանկալի լսարանին հասնելու համար։Սա հիմք է հանդիսանում SMM մասնագետների պահանջարկի աճին։

Մարքեթինգը տնտեսագիտական մասնագիտություն է։

Մարքեթինգ բառն առաջացել է անգլերեն market բառից, որը նշանակում է շուկա, իսկ «մարքեթինգ» տերմինը նշանակում է գործել շուկայում։

Մարքեթինգի հայաֆիկացրած տարբերակներ են համարվում՝ շուկայաբանությունը, շուկայագիտությունը կամ շուկայավարությունը, սակայն այս տերմինները լիարժեքորեն չեն արտահայտում մարքեթինգի՝ իբրև բիզնեսի փիլիսոփայության բովանդակությունը։ Այդ իսկ պատճառով հայ մարքեթոլոգները հակված են օգտագործել «մարքեթինգ» տերմինը։Մարքեթինգ հասկացությունը առաջին անգամ շրջանառության մեջ է դրվել 1902 թվականին։