Մարմինների էլեկտրականացումը։ Էլեկտրական լիցք։
- Էլեկտրական հոսանքն օգտագործում են մեր բնակարաններում, տրանսպորտներում,գործարաններում, ֆաբրիկաներում,գյուղատնտեսության մեջ և այլուր։ Էլեկտրական երևույթներից մի քանիսը մարդիկ հայտնաբերել են հնադարում։ Հին հույն գիտնական Թալեսը նկատել է, որ բրդյա գործվացքով շփելուց հետո սաթը սկսում է իրեն շփել այլ նյութերի թեթև կտորները։ Թալեսից երկու հազար տարի անց անգլիացի ֆիզիկոս Գիլբերտը հայտնաբերեց որ սաթից բացի նույնատեսակ հատկություններ են դրսևորում նաև ադամանդը, ապակին և մի քանի այլ նյութեր։ Այդ բոլոր նյութերը անվանեց էլեկտրական։ Հետագայում եթե որևէ մարմին շփելուց հետո ձեռք էր բերում այլ մարմիներին դեպի իրեն ձգելու հատկություն ասում էին, էլեկտրականացված է կամ էլեկտրական լիցք է հաղորդված։ Էլեկտրական լիցքը նշանակում են q տառով։ Միավորների Մհ-ում լիցքի միավորը կուլոն է ի պատիվ Ֆրանսիացի գիտնական Կուլոնի։
Ատոմի կառուցվածք
- Անգլիացի գիտնական Թոմսոնը հայտնաբերեց տարրական լիցք կրող մասնիկը։ Այդ մասնիկը անվանեցին էլեկտրոն։ Պարզվեց, որ այդ մասնիկը 2000 անգամ թեթև է ամենաթեթև ատոմի՝ ջրածնի ատոմի զանգվածից։ Էլեկտրոնի լիցքը բացասական է․qe=−e=−1,6⋅10−19Կլ։ Ի տարբերություն այլ մարմինների որոնց կարելի է լիցքավորել կամ լիցքաթափել էլեկտրոնը անհնար է «զատել» իր լիցքից։ Անգլիացի գիտնական Ռեզերֆորդի կատարած բազմամյա փորձերի արդյունքում 1911թվականին բացահայտվեց ատոմի կառուցվածքը։ Ըստ Ռեզերֆորդի ատոմը իր կառուցվածքով նման է Արեգակնային համակարգի։ Ինչպես մոլորակներն են պտտվում Արեգակի շուրջը, այնպես էլ էլեկտրոններն են ատոմի մեջ պտտվում միջուկի շուրջը։ Այդ պատճառով էլ Ռեզերֆորդի կողմից առաջարկված ատոմի կառուցվածքի մոդելն անվանեցին մոլորակային մոդել։